Barcelona do të luajë mbrëmjen e sotme përballë Atletikos së Madridit, një sfidë direkte për sa i përket çështjes së titullit të La Ligas, ku katalanasit janë dukshëm komodë, pasi kanë një diferencë prej tetë pikësh.
Pas ndeshjes me madrilenët, Barçën e pret përballja me Mançester Junajtid për çerekfinalet e Champions League. Pikërisht, lidhur me këtë takim, Ole Gunar Solskjaer ka nisur të përgatitet dhe mbrëmjen e sotme, do të bëjë një “vizitë” në “Camp Nou”.
Trajneri norvegjez, do të përfitojë nga fundjava që Junajtid e ka pushim, për të qenë i ftuar special në Katalonjë dhe për të studiuar nga afër kundërshtarin që do të ketë në Champions.
