Trajneri i Flamengos, Jorge Zhezus është shëruar nga Koronavirusi. Ai kishte dalë pozitiv në testin e së hënës, ndërkohë që në testin e dytë të kryer ditën e mërkurë Zhezus rezultoi negati. Lajmi është konfirmuar nga klubi brazilian i cili shkruan:
“Flamengo informon që testi i ri i trajnerit Jorge Jesus është konfirmuar si rezultat negativ për COVID-19”, thuhet nga klubi brazilian.
Portugezi 65-vjeçar është shprehur i lumtur me mbështetjen dhe shqetësimin e njerëzve për shëndetin e tij.
“Unë jam i lumtur dhe mirënjohës për përkushtimin, përkrahjen dhe shqetësimin për shëndetin tim. Unë vazhdoj të lutem për të gjithë ata që janë prekur”, u shpreh Jesus.
