Prej disa javësh, ylli i futbollit, Cristiano Ronaldo dhe partnerja e tij, Georgina Rodriguez, po përfliten se do të bëhen prindër për herë të pestë.
Megjithatë, Georgina i mohoi këto lajme, duke thënë se ende nuk e ka marrë veten nga shtatzënia e fundit dhe se ata janë shumë të lumtur me 4 fëmijët e tyre, me të cilët pozojnë shpesh nëpër rrjete sociale.
Gjatë një interviste për mediat e huaja, partnerja e futbollistit ka rrëfyer mometet e para gjatë njohjes së çiftit, kur ajo ishte një asistente në dyqanin e “Gucci-t” në Madrid.
25-vjeçarja ka treguar se gjithçka mes tyre ka lindur shumë spontanisht dhe nuk i është dashur të përpiqet për t’i rënë në sy yllit të futbollit.
“E takova për herë të parë Ronaldon tek “Gucci”, ku punoja si asistente shitjeje. Disa ditë më vonë u pamë sërish në eventin e një marke tjetër. Aty folëm në një atmosferë më të qetë dhe jashtë ambientit tim të punës. Ishte dashuri me shikim të parë për të dy.”- ka rrëfyer Georgina për “Elle”.