Interi do të luajë ditën e nesërme ndaj Frosinones në transfertë. Në prag të takimit, Luçiano Spaleti ka dalë në konferencën e zakonshme për shtyp dhe ka sqaruar disa çështje. Më kryesorja është ajo se kush do të luajë në krye të sulmit. Lautaro duket se është i avantazhuar përballë Ikardit dhe në horizont duket një polemikë e re.
“Ikardi dhe Lautaro janë 2 sulmues qëndre që mund të luajnë së bashku vetëm në momente të caktuara, por jo gjithmonë. Edhe kur janë bashkë duhet të kenë detyra të caktuara, njëri të sulmojë dhe tjetri të ndihmojë. Jemi duke u munduar për më të mirën, por nesër titullar do të jetë Lautaro pasi e ka kaluar dëmtimin”, u shpreh Spaleti.
