Juventusi mbrëmjen e djeshme pësoi një humbje, e cila e skualifikoi nga Liga e Kampionëve dhe solli një zhgënjim të madh te tifozët.
Përpos këtyre dy fakteve, tifozët juventinë duhet të durojnë edhe memet e rrjeteve sociale, të cilat kanë dalë sapo ka përfunduar ndeshja.
Futbolli ka lojën brenda fushës, por ka dhe ironitë jashtë saj, të cilat acarojnë dhe argëtojnë jo pak tifozët.
Memet në Itali kanë qenë të shumta dhe nga njëra anë kanë argëtuar anti-juventinët, ndërsa nga ana tjetër kanë acaruar tifozët bardhezinjë, të cilët të shtunën me shumë mundësi do të festojnë fitimin e kampionatit në ndeshjen ndaj Fiorentinës.
