Lokomotiva e Zagrebit U-19, ku aktivizohen edhe 2 talentet shqiptare, Indrit Tuci dhe Arbër Mehmetllari kaloi ditën e sotme në finalen e Kupës së Kroacisë.
Bardheblutë mposhtë me rezultatin 3-1 Bjelovarin, duke arritur një sukses historik. Në takimin e sotëm Tuci e nisi si titullar, teksa ishte protagonist në golin e parë, duke asistuar për shokun e skuadrës. Ndërkohë që shqiptari tjetër Mehmetllari, u hodh në fushë në minutën e 55-të.
Pas triumfit, nuk ka munguar as festa me shqiponjë në dhomat e zhveshjes, ndërkohë që pamjet janë postuar në faqen zyrtare të Lokomotivës së Zagrebit. Kujtojmë që si Tuci ashtu edhe Mehmetllarin në janar ishin pjesë e Akademisë të Futbollit, teksa u transferuan në Kroaci, duke u shndërruar menjëherë në protagonista.