Gianluigi Donnarumma nuk do të jetë gati për ndeshjen vendimtare të Milan në Serie A ndaj Lazio-s ditën e shtunë.
Donnarumma është rikthyer në stërvitje pasi doli nga fusha i dëmtuar ndaj Udinese-s me një tërheqje muskulore.
Gjithsesi, ai nuk mori pjesë në ushtrimet me pjesën tjetër të skuadrës. Në mënyrë që të shmanget një përkeqësim i gjendjes së tij, kuqezinjtë nuk do ta aktivizojnë dhe në vendin e tij do të jetë Pepe Reina.
Ndeshja ndaj Lazio-s është një nga më të rëndësishmet e sezonit për Milan pasi po luhet për kualifikimin në Champions League.
