Tottenham do të duhet të përballet në ndeshjen e kthimit ndaj Manchester Cityt në “Etihad Stadium” pa yllin e skuadrës, Harry Kane. Frika e madhe e trajnerit Pochetino është materializuar, pasi bomberi anglez, pas dëmtimit të rëndë të pësuar në sfidën e luajtur në stadiumin e ri, do të humbë sezonin.
Dëmtimi është shumë serioz dhe kjo bën që edhe Anglia të mos ketë në dispozicion sulmuesin për ndeshjet kualifikuese të Euro 2020 por ndoshta edhe sa i përket fazës finale të Ligës së Kombeve. Kane e kapi këmbën keq në tenativë për të mos lënë topin të dilte në rivënie anësore, teksa Delph e shkeli edhe me taka, por në mënyrë të pavullnetshme.
