Laçi dhe Tirana u përballën në kuadër të Kupës së Shqipërisë. Vendasit arritën të fitonin me reuzultatin 2-0, por jo të kualifikoheshin në gjysmëfinale. Këtë gjë e kanë bërë bardheblutë që kishin fituar me rezultatin 3-0 në shtëpi.
Ka qenë një ndeshje mjaft emocionuese ku fillimisht Shtubina në minutën e 29-të dhe më pas Çokaj me startimin e pjesës së dytë i kanë dhënë shpresë vendasve për kualifikim. Tirana e ka menaxhuar mirë pjesën e mbetur të takimit, por edhe kurbinasit kanë humbur disa raste flagrante. Kështu, Mema me Tiranën prekin gjysmëfinalen e Kupës së Shqipërisë ku presin të njohin kundërshtarin.
