Gutit, ish-mesfushor i Real Madrid-it dhe ndihmëstrajneri aktual i Besiktas-it, i është kërkuar nga “Marca” të zgjedhë dy skuadra ideale. Ekipi i parë duhej të përfshinte lojtarë të së tashmes, ndërsa i dyti lojtarë që kanë luajtur në kohën e tij.
Guti ka zgjedhur Cristiano Ronaldo-n në të dy ekipet, duke parë se ka luajtur me portugezin në Madrid dhe ka përfshirë veten në skuadrën e ëndrrave të kohës së tij.
Ndërkohë, pjesa me e madhe e ekipit të ëndrrave të ditëve të sotme përbëhet nga lojtarë dhe ish-lojtarë të Real-it dhe Barcelona-s. David de Gea është përzgjedhur në portë, ndërsa pjesa tjetër e formacionit përbëhet nga pesë lojtarë/ish-lojtarë të Barçës dhe pesë të “Los Blancos”.
Ekipi i ëndrrave i kohës së Guti-t: Iker Casillas; Javier Zanetti, Fernando Hierro, Paolo Maldini, Roberto Carlos; Luis Figo, Zidane, Guti; Raul Gonzalez, Cristiano, Ronaldo.
Ekipi i ëndrrave i kohëve të sotme: David De Gea; Dani Carvajal, Gerard Pique, Sergio Ramos, Marcelo; Iniesta, Sergio Busquets, Luka Modric; Neymar, Cristiano, Lionel Messi.