Kamza është përjashtuar nga kampionati, por duket se momenti më i vështirë është për futbollistët, që stërviten individualisht, kush me ndonjë skuadër të rinjsh, disa duke dalë për vrap te liqeni artificial, të tjerë kanë lënë Shqipërinë.
I ftuar në emisionin “Sport Neës Plus”, sulmuesi Sebino Plaku rrëfen tmerrin: “Askush nuk e ka mendjen te ne. Nuk e ka FSHF mendjen te ne jo më ekipet. Jemi në pritje të një përgjigje. Kemi bërë një kërkese të gjithë lojtarët e ekipit.
Janë lojtarët ata që po vuajnë. Prisnim që të merrnim një përgjigje. Çdo ditë që kalon është shumë e vështirë. Përveç dëmit financiar, është edhe ai profesional. Ekipet do ta kenë të vështirë t’i hedhin sytë nga lojtarët e Kamzës”.
