Shqipëria U-18 ka arritur të fitojë miqësoren ndaj Maqedonisë së Veriut me rezultatin e ngushtë 1-0.
Ky takim u zhvillua në stadiumin “Sopoti” të qytetit të Librazhdit.
Pas barazimit 2-2 të arritur dy ditë më parë, këtë herë djemtë e drejtuar nga Nevil Dede ia kanë dalë të triumfojnë ndaj fqinjëve.
Goli i shënuar nga Armelindo Mema i ka dhënë fitoren ekipi tonë kombëtar.
Kanë qenë dy ndeshje miqësore që kanë rezultuar pozitive për Kombëtaren e të rinjve, teksa janë provuar disa lojtarë, të cilët do t’i shërbejnë në të ardhmen skuadrës së 19-vjeçarëve.
