Tiago Silva tashmë në moshën 35-vjeçare në fund të sezonit mund të largohet drejt Kinës, për një kampionat më pak impenjativ dhe PSG-ja ka filluar të lëvizë duke dashur të bëjë një nga transferimet më të bujshme të verës.
Sipas “Don Balon”, skuadra pariziene është e gatshme të japë 20 milionë euro nëto në sezon, për Ramosin dhe ta bindë atë të shkojë në Francë.
Kapiteni i Realit momentalisht është duke përfituar 10 milionë euro në sezon dhe mund të tundohet nga kjo ofertë.
Nga ana tjetër nëse dëshira e spanjollit është të largohet, Reali nuk mund të bëjë më shumë se sa të pranojë ofertën e francezëve.
Mbetet të shihet se çfarë do të ndodhë me këtë lajm të bujshëm që vjen nga gadishulli iberik.