Philipe Coutinho nuk po kalon një moment të mirë tek Barcelona. Braziliani, që konsiderohej zëvendësuesi ideal i Iniestës duket se ka humbur shkëlqimin që e karakterizonte.
Lidhur me këtë formë, sajti spanjolle, “ESPN” ka zbuluar një fakt shumë interesant.Sipas saj, arsyeja që Coutinho po luan keq është shtëpia e tij.
Rezidenca ku banon ylli i katalanasve ndodhet jashtë Barcelonës, në krahinën e Castelldefels. Në të kanë jetuar më parë dhe 3 ish-lojtarë të katalanasve, të cilët kanë patur të njëjtin fat. Cesc Fabregas, ia shiti shtëpinë në 2014 Thomas Vermalen, pasi spanjolli u transferua tek Chelsea. Ky i fundit vuajti një kalvar të gjatë dëmtimesh dhe në pak kohë ia shiti Andre Gomes.
Portugezi u ble nga Valencia për shifrën e 40 milionë eurove, por dështoi të shfaqte vlerat e tij. Rastësi ose jo këtë nuk mund ta themi, por një gjë është e sigurtë. 140 milionët e paguara vjet për ta “grabitur” nga Liverpool, Coutinho nuk po i justifikon.
