Trajneri Pep Guardiola mund të rrëmbejë mesfushorin spanjoll Juan Mata me parametrin zero në fund të këtij sezoni (luan me Manchester United). Përgjatë një interviste, trajneri spanjoll i ka “shkelur syrin” 30-vjeçarit, duke thënë fjalë të mira për të. “Kam dashur ta sjell te Barcelona vite më parë, por ai shkoi te Chelsea. E dini arsyen përse nuk erdhi? Pasi una kisha shumë lojtarë në mesfushë në atë periudhë dhe s’kishte hapësira”, tha Guardiola.
“Kisha lohë që e vëzhgoja Mata, është një mesfushor i jashtëzakonshëm dhe i talentuar. E njoh mirë dhe është një nga lojtarët që pëlqej më shumë. Edhe në Premier League ka treguar se është një lojtar i madh”, tha Guardiola, që duket se synon të sjellë te Manchester City mesfushorin spanjoll. Kontrata e Mata skadon më 30 qershor dhe ai ende nuk ka rinovuar me Manchester United, ndërkohë që ka mjaft kërkesa në Spanjë dhe Premier League.
