Kukësi dhe Skënderbeu luajnë aktin e parë gjysmëfinal të Kupës së Shqipërisë në Kamzë. Verilindorët e Ernest Gjokës vijnë në këtë përballje pas triumfit në kampionat ndaj Tiranës, ndërkohë kampionët në fuqi të Kupës dhe kampionatit u mposhtën minimalisht nga Laçi.
Fitimi i Kupës shikohet si “varkë” shpëtimi për të dyja skuadrat, të cilat kërkojnë ta mbyllin sezonin me trofe. Kukësi vjen në përballjen e sotme me 6 mungesa, ndërkohë që trajneri Shehi nuk ka të gatshëm vetëm futbollistët Lulaj dhe Taipi.
KUKËSI-SKËNDERBEU 2-1
Rexhinaldo 20′ , Shkurtaj 56′ / Bregu 61′
KOMENTI LIVE:
61′ GOOOOL SKËNDERBEU 2-1/ Korçarët ngushtojnë diferencën me anë të Dejvi Bregut.
58′ Vangjeli ndëshkohet me karton të verdhë për protesta.
57′ Zëvendësim te Skënderbeu, largohet Sambou, vendin e tij e zë Jorgo Pëllumbi.
56′ GOOOOOL KUKËSI 2-0/ Vasil Shkurtaj dyfishon shifrat! Një tjetër gabim në vendosje e Sambou i dhuron golin e dytë skuadrës së verilindore. Sulmuesi vlonjat del i vetëm me portierin Dajsinani, shmang mjaft bukur këtë të fundit dhe dërgon topin drejt rrjetës.
51’ Mundësi e mirë për Skënderbeun me anë të Bruno Ditës, i cili tenton një goditje nga distanca, topi shkon mbi kuadrat.
48′ Korçarët e nisin në sulm pjesën e dytë, në kërkim të golit të barazimit, por mungojnë rastet e rrezikshme, në portën e Frashërit.
46′ Starton pjesa e dytë starton me 6 minuta vonesë. Trajnerët nuk bëjnë ndryshime në formacion, ndërkohë Dajsinani urdhërohet të ndryshojë fanellën nga zyrtarët e ndeshjes.
