Është duke u luajtur sfida mes Luftëtarit dhe Tiranës për aktin e parë të gjysmëfinales së “Kupës së Shqipërisë”.
Kjo sfidë do të jetë shumë deçizive për të dyja skuadrat, të cilat e shohin kupën si një trofe të rëndësishëm, pas sigurimit të mbijetësës në Superiore. Luftëtari në këtë sfidë do të zbresë në fushën e lojës me një mungesë të madhe atë të Dungës. Ndërsa Tirana zbret në fushën e lojës me formacionin e tyre të zakonshëm.
LIVE | Luftëtari-Tirana 0-0
KOMENTI MINUTË PAS MINUTE:
86’ Provon Rustem Hoxha nga goditja e dënimit, por topi devijohet në goditje këndi.
85’ Çelaj nis një depërtim të bukur nga e majta drejt qendrës, dhe rrëzohet nga Kobina. Jorgji akordon goditje dënimi në një zonë të rrezikshme.
83’ Kryen dhe ndërrimin e tretë Ahmataj. Ymeraj i lë vendin Elian Çelajt.
80’ Ndërrimi i tretë te Tirana. Oduamadi lë fushën, futet Halili.
79’ Krosim i lartë nga goditja e këndit. Goxha futet me kokë, por godet me kokë kundërshtarin, dhe ka faull në sulm.
78’ Mundësi e mirë e Tiranës për kundërsulm. Oduamadi rrëmben një topi, dhe e nis për Grecën ose Sentamun, por Xhekson futet dhe e çon topin në goditje këndi.
77’ Hanti nis bukur brenda zone Ymerajn, por Goxha menjëherë shtrihet dhe çon topin në goditje këndi.
76’ Mema bën ndërrimin e dytë. Del nga fusha Ngo, futet Junus Sentamu.
74’ Top i rikuperuar nga Ngo në gjysmën e fushës. Avancon deri në fund, kroson, por Bakaj grushton me dorë. Nga hyrja e zonës, provon në vazhdimin e aksionit Maveje, por topi përfundon jashtë portës.
72’ Hoxhallari provon nga distanca me të majtën, por pa shënjestrën drejt portës së Bakajt.
68’ Kryen zëvendësimin e parë Ahmataj. Në fushë futet Hanti, del Oshafi.
65’ Ndalet loja për pak sekonda, pasi Oshafi ndjen probleme.
63’ Ndërhyrje e Hoxhallarit ndaj Ymerajt brenda zone. Kërkojnë penallti tek gjirokastritët, por Jorgji bën me shenjë që ndërhyrja ishte tek topi.
60’ Ngos i vjen një top i bukur në hyrje të zonës, godet pa e parë topin, por bllokohet në mbrojtjen e gjirokastritëve.
53’ Ngo me plot fuqi, i merr topin Filit, dhe futet në zonë. Pasi e jep për në qendër, topi devijohet dhe shkon në goditje këndi.
51’ Kobina në një nisje të shpejtë për Tiranën, kërkon të nisë Oduamadin, por topi është shumë i fortë dhe Bakaj del për ta kontrolluar.
49’ Godet Hoxhallari me të majtën nga goditja e dënimit, por muri ndal topin, dhe topi del në anësore.
47’ Hoxhallari lëviz bukur në hyrje të zonës së Luftëtarit, pengohet, dhe kryesori Jorgji akordon faull për Tiranën.
46’ Nis pjesa e dytë në Gjirokastër. Mema kryen menjëherë një zëvendësim. Futet në lojë Greca, ndërsa në dhomat e zhveshjeve mbetet Karabeci, i cili mesa duket ka mbetur i dëmtuar nga fundi i pjesës së parë.