Pas dy ditëve të Ligës së Kampioneve, Liga e Europës. Tetë ekipe luajnë sot çerekfinalet e para të kompeticionit, ku do të ketë gjithashtu një “derbi” si ai mes Valencias dhe Vijarealit në “Estadio de la Ceramica”.
Ndeshjet e tjera janë Benfika-Frankfurt në Portugali, teksa Çelsit bën vizitë Slavia Pragas. Pa dyshim që vëmendja më e madhe është në duelin në pjesën veriore të Londrës mes Arsenalit dhe Napolit.
Janë bërë publike edhe formacionet zyrtare në katër sfidat e sotme. Mbrojtësi i Kombëtares, Elseid Hysaj, do të startojë titullar në përballjen ndaj Arsenalit, ndërkohë bie në sy edhe aktivizimi i ish-sulmuesit të Skënderbeut, Piter Olainka, në radhët e Slavias së Pragës. 23-vjeçari do të sfidëjë mbrëmjen e sotme Çelsin e Mauricio Sarrit.
