Po luhet në “Selman Stërmasi” sfida mes Partizanit dhe Laçit e vlefshme për javën e 31-të të Kategorisë Superiore. Të kuqtë e Gegës vijnë në këtë përballje pas barazimit në transfertë me Kastriotin, teksa do të kërkojnë të mbyllin sa më shpejt “çështjen” titull.
Ndërkohë në krahun tjetër, Laçi vjen me moral të lartë, pasi mposhti Skënderbeun fundjavën e shkuar me rezultatin 1-0. Objektivi i kurbinasve është sigurimi i një pozicioni që të dërgon në Europë.
Të dyja skuadrat vijnë në këtë takim me ndryshime në formacione. Gega ka vendosur Kalarin si qendërmbrojtës në krah të Belicës, ndërsa Starova ka zhvendosur Shtubinën si mbrojtës i djathtë.
LIVE| PARTIZANI-LAÇI 0-0
KOMENTI LIVE:
10′ Okpotu ndëshkohet me karton të verdhë për ndërhyrje të ashpër në mesfushë ndaj Malës.
8′ Minuta mjaft të mira për kurbinasit, ndërkohë që Partizani nuk po del ende në lojën e vetë.
6′ Lushkja provon me një gjuajtje të befasishme nga distanca, topi shkon jashtë kuadratit.
3′ Moment i vështirë në portën e Partizanit, pranë golit skuadra e Laçit. Alban Hoxha bën shpëtimtarin duke ndalur 2 herë gjuajtjet e Shtubinës dhe Domgjonit brenda zonës.
1′ Ka startuar sfida në “Selman Stërmasi”.
