Po luhet në “Selman Stërmasi” supersfida mes Partizanit dhe Skënderbeut e vlefshme për javën e 28-të të Kategorisë Superiore. Kryesuesit e kampionatit do të kërkojnë të rikthehen te triumfi në kampionat pas humbjes 1-3 në fundjavë ndaj Luftëtarit.
Nga ana tjetër edhe korçarët e Orges Shehit, me shpresën e një lajmi pozitiv nga KAS-i, kanë si objektiv një vend që të dërgon në Ligën e Europës sezonin e ardhshëm, teksa do të synojnë një rezultat pozitiv në kryeqytet.
Me triumfin e Kukësit ndaj Laçit, diferenca mes Partizanit dhe verilindorëve është ngushtuar në 6 pikë, teksa një rezultat negativ i të kuqve do e rihapte kampionatin. Të dy trajnerët kanë bërë publike edhe formacionet zyrtare, ku nuk mungon surprizat. Ajo që bie në sy është interesi i ulët i tifozëve, të cilët nuk i kanë mbushur shkallët e stadiumit. Rreth 1000 të pranishëm.
PARTIZANI-SKËNDERBEU 2-0
Belica 26′, Asani 52′
KOMENTI LIVE:
55′ Tjetër zëvendësim te korçarët, Sibo i lë vendin Zani Kurtit.
54′ Zëvendësim te Skënderbeu, largohet Gripshi vendin e tij e zë kroati Pervan.
52′ GOOOOOL PARTIZANI 2-0/ Jasir Asani dyfishon shifrat nga pika e bardhë e penalltisë.
51′ Lorenc Trashi fiton 11-metërsh pas një dueli me Kaba Sambou. Protestojnë futbollistën e Skënderbeut, që nuk janë dakord me vendimin e gjyqtarit.
46′ Starton pjesa e dytë. Nuk ka zëvendësime në skuadrat respektive.
