Raphael Varane ka kohë që mendon të largohet nga Real Madridi edhe pse një vit më parë rinovoi me kontratë 5-vjeçare dhe klauzolë largimi prej 500 milionë euro.
Kampioni i botës nuk ndihet mirë në Madrid dhe dëshiron një aventurë të re sipas “L’Equipe”, për këtë një sërë skuadrash kanë filluar të bëjnë sondazhe për mbrojtësin.
Fillimisht ka qenë PSG, Manchester United dhe Bayern Munchen që e kanë vënë në listën e blerjeve francezin, mirëpo së fundi është edhe Juventus që ka hyrë në garë për të marrë shërbimet e tij.
Për muaj me radhë u përfol se do të ishte Marcelo ai që do kalonte në Torino, por rikthimi i Zidane te Reali e ka zbehur këtë pistë, edhe vetë klubi italian ka hequr dorë nga braziliani.
Mirëpo Varane është një zgjidhje perfekte për qendrën e mbrojtjes duke parë moshën e Chiellinit. Nëse 25-vjeçari vendos përfundimisht të largohet, atëherë edhe vetë klubi spanjoll do të ishte i gatshëm të ulej në tavolinë për të negociuar me çdo klub ofertat që do i vijnë në drejtim të tij.
