Hazard, Mbappe, Pogba dhe Mane. Këta janë objektivat galaktikë të Real Madrid-it. Zinedine Zidane kërkon t’i kthejë “Los Blancos” në majën e Europës pas një sezoni negativ dhe kërkon ta realizojë këtë duke bërë një merkato të frikshme.
Në ditët e kaluara është thënë se madrilenët kanë vënë në dispozicion të trajnerit francez 500 milionë euro për merkaton, por duket se do të duhet një shumë akoma më e lartë për të plotësuar kërkesat e “Zizou”.
Sipas “El Chiringuito”, Liverpool duket se ka kërkuar 230 milionë euro për kartonin e 26-vjeçarit Sadio Mane. Një shifër e çmendur, të cilën “Los Blancos” nuk kanë ndërmend ta paguajnë, të paktën për momentin.
Gjithsesi, nëse Real-i nuk arrin të marrë asnjë nga objektivat e tjerë, Florentino Perez mund të vendosë të plotësojë kërkesën e anglezëve.
