Trajneri Ernesto Valverde deklaroi se Barcelona ka si prioritet fitimin e titullit të tetë kampion në 11 vitet e fundit, përpara përballjes ndaj Liverpool për gjysmëfinalen e Champions League, në program për të mërkurën.
“Ke gjithmonë kundërshtarë në mendje, teksa sheh ndeshjet e tyre dhe i analizon. Gjithsesi unë dua të lë mënjanë Liverpool për shkak të rëndësisë së ndeshjes së të shtunës”, u shpreh trajneri i Barcelonës.
“Dua që ndeshja ndaj Levante të jetë ajo e kurorëzimit të sezonit tonë në La Liga. Nëse fitojmë, atëherë jemi kampionë dhe kjo do të na motivojë për ndeshjen e të mërkurës. Titulli kampion në La Liga do të luajë rol kryesor në përballjen ndaj Liverpool”, deklaroi Valverde.
