Lojtarët e Barcelonës kanë zbarkuar në Manchester së bashku me stafin dhe ekipin e trajnerëve, në prag të ndeshjes çerekfinale me United për Champions League.
Ndryshe nga herët e tjera, yjet e skuadrës katalanase kanë qenë të veshur me kostume klasike me vlerë 5 mijë euro secili.
Yje si Lionel Messi, Luis Suarez dhe Philippe Coutinho u shfaqën të veshur me kostume ngjyrë gri, të shoqëruar edhe me jelek, të dizajnuar nga Thom Browne.
Bashkë me skuadrën ka udhëtuar edhe Ousmane Dembele, i cili është rikthyer nga dëmtimit edhe pse nuk është në 100% të gjendjes fizike ai u grumbullua nga trajneri Valverde.
Barcelona do të zhvillojë sot në mbrëmje një seancë stërvitore në “Old Trafford” dhe të mërkurën do të përgatiten për ndeshjen e madhe ndaj “Djajve të Kuq”.