Kanë qëndruar pa asnjë justifikim jashtë formacionit, por në takimin me Luftëtarin pritet të luajnë nga minuta e parë Marvin Turtulli dhe Asion Daja. Si njëri dhe tjetri do të marrin pozicionin e tyre natyral njëri në mbrojtje dhe tjetri në sulm. Po kështu në vend të Ngosë pritet të luajë Junus Sentamu. Me një llogari dhe me atë që ka provuar Mema në fushë, nga minuta e parë në portë do të luajë Abibi.
Mbrojtja do të jetë e përbërë nga Doka, Turtulli, ndërsa njëri prej Muçës, Atingës do të jetë mbrojtësi tjetër. Në krahun e majtë do të luajë Hoxhallari. Mesfusha do të jetë e përbërë nga Maveje dhe Daja. Në krah Oduamadi mund të jetë në balotazh me Grecën, ndërsa Kobina do të luajë nga e djathta. Në sulm me të gjitha gjasat do të luajë nga minuta e parë Junus Sentamu, por Ernest Muçi mund të ketë ndonjë minutë të vogël në fund të lojës.
