Ylli i Paris Saint-Germain, Neymar, është skualifikuar për tri ndeshje në Champions League për fjalët fyese të përdorura kundër arbitrave pas eliminimit të ekipit të tij në ndeshjen kundër Manchester United.
Braziliani nuk do të jetë në dispozicion të kampionëve të Francës për gjysmën e fazës me grupe të kompeticionit europian më të rëndësishëm për klube.
“Është një turp! Katër njerëz që nuk dinë asgjë për futbollin janë përgjegjës për VAR-in. Nuk ishte penallti. Si mund të jetë një prekje me dorë kur topi godet kurrizin e tij. Shkoni q…”, ka qenë reagimi i Neymar në Instagram pas takimit të kthimit të 1/8-ve të Champions League, që Parisi e humbi 3-1 në shtëpi kundër “Djajve të Kuq”.
