Një lajm i rëndë u publikua mbrëmjen e sotme, teksa presidentët e Tiranës dhe Laçit, Refik Halili dhe Pashk Laska, ishin konfliktuar në qytetin e Tiranës, pas ndeshjes së luajtur në Laç, për Kupë.
Ndërkohë, edhe Policia ka reaguar në njoftimine saj, ku shprehet se ka proceduar në gjendje të lirë Refik Halilin dhe Pashk Laskën, pas një sherri tek zona e ish-dogadës.
Të dy presidentët, kanë bërë kallëzim ndaj njëri-tjetrit, ku pretendojnë se janë rrahur nga njëri-tjetri. Materialet i kanë kaluar Prokurorisë së Tiranës për veprime të mëtejshme, ndërkohë që “Panoramasport.al” mëson se tani të dy presidentët janë dërguar tek mjeku ligjor, për të përcaktuar shkallën e dëmtimeve.
NJOFTIMI I POLICISË
Tiranë
Shërbimet e Policisë të Komisariatit Nr.6, proceduan penalisht në gjëndje të lirë shtetasit R. H., dhe P. L.
Procedimi ndaj këtyre shtetasve filloi pasi, në zonën e ish-doganës së vjetër, pranë sheshit “Shqiponja” janë konfliktuar fizikisht me njëri-tjetrin.
Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale “Dëmtime të tjera me dashje”, parashikuar nga neni 90 i Kodit Penal.
