Ligat kryesore të Europës, ato më të bukurat dhe më të ndjekurat, kanë hyrë në faza interesante. Gara për titull duket e zjarrtë në Angli dhe Gjermani, veçanërisht, ndërsa në Spanjë, Itali dhe Francë gjërat janë “kthjelluar” në këtë drejtim. Sidoqoftë, luftohet edhe për “zonën europiane” (sidomos për Champions), ndaj nevoja për gola mbetet e madhe deri në minutën e fundit.
Te Barcelona spikat Leo Messi, i pandalshëm javë pas jave, ndërsa pas tij, në garën për “Këpucën e Artë” pozicionohet Kylian Mbappe. Në mungesë të Neymar, talentit francez i ka dalë më në pah finalizimi. Megjithatë, skuadrat kryesore europiane e bazojnë lojën ofensive jo vetëm te një lojtar i vetëm, por te “tridentët”.
Në këtë moment të kampionateve respektive, ne po ju njohim me renditjen e “tredhëmbëshave” në kontinent, në bazë të golave të realizuar. Bashkë me emrat, edhe fotomontazhe të tyre, me në sfond klubet që përfaqësojnë. Saktësojmë se kjo lloj renditjeje bëhet sipas rendit zbritës, nga vendi i dhjetë tek i pari.
10. Napoli
Milik, Mertens dhe Insigne. 36 gola mes tyre, të cilët përfaqësojnë 63.2% të totalit të golave të krejt ekipit.
9. Sevilla
Ben Yedder, Sarabia dhe André Silva. 36 gola mes tyre, të cilët përfaqësojnë 72% të totalit të golave të ekipit.
8. Lille
Pépé, Bamba dhe Leao. 36 gola mes tyre, të cilët përbëjnë 75% të totalit të golave të ekipit.
7. Atalanta
Zapata, Ilicic dhe Papu Gómez. 37 gola mes tyre, të cilët përfaqësojnë 58.7% të totalit të golave të ekipit.
6. Borussia Dortmund
Paco Alcácer, Marco Reus dhe Sancho. 39 gola mes tyre, të cilët përfaqësojnë 60% të totalit të golave të ekipit.
5. Eintracht Frankfurt
Jovic, Haller dhe Rebic. 40 gola mes tyre, të cilët përfaqësojnë 71.4% të totalit të golave të ekipit.
4. Manchester City
Agüero, Sterling dhe Sané. 42 gola mes tyre, të cilët përfaqësojnë 54.5% të totalit të golave.
3. Liverpool
Salah, Mané dhe Firmino. 46 gola mes tyre, të cilët përfaqësojnë 66.7% të totalit të golave të ekipit.
2. PSG
MBappé, Cavani dhe Neymar. 57 gola mes tyre, të cilët përfaqësojnë 66.3% të totalit të golave të ekipit.
1. Barcelona
Messi, Luis Suárez dhe Dembélé. 59 gola mes tyre, të cilët përfaqësojnë 75.6% të totalit të golave të ekipit.
