David Neres është një zbulimet më të bukura të Ajaxit në këtë sezon.
22-vjeçari brazilian i blerë nga Sao Paolo dy vite e gjysmë më parë për 12 milionë euro, ka shpërthyer me paraqitjet e tij gjatë këtij edicioni.
Forma që tregoi në sfidën e Championsit ndaj Juventusit, por edhe goli i realizuar, kanë rritur ndjeshëm vlerën e tij në merkato.
Për Neres interesohen disa prej klubeve më të mëdha të Europës, ndërkohë që lëvizje konkrete në këto momente ka bërë Borussia e Dortmundit, e cila i ka bërë ofertë zyrtare Ajaxit prej rreth 40 milionë eurosh.
Oferta e gjermanëve është refuzuar nga drejtuesit e “harkëtarëve”, të cilët synojnë të arkëtojnë rreth 60 milionë euro nga shitja e talentit brazilian.
