Milani dhe Interi ende nuk kanë marrë një vendim nëse do të rikonstruktojnë mitikun “San Siro” apo do të ndërtojnë një stadium të ri së bashku, por nga fjalët e numrit 1 të kuqezinjve kuptohet qartë që dy klubet pritet të bashkëpunojnë për një projekt të ri.
Paolo Scaroni, presidenti i Milanit, është kthyer të flasë për çështjen stadium dhe e ka bërë në një intervistë të dhënë për “Il Sole 24 Ore”.
“Edhe unë kam nostalgji për ‘San Siro’-n. Por, kam më shumë nostalgji për një Milan fitues. Nëse do të ndërtojmë stadiumin në terrenin publik më duket e qartë që të qëndrojë e tillë edhe struktura. Nuk është problem për ne. Me pakt që Pallati Marino të mbajë llogari për kohëzgjatjen dhe kushtet e koncesionit.
Objektivi im është që të bëjmë në Milano stadiumin më të bukur në Botë. Ristrukturimi është i papraktikueshëm për arsye objektive: nuk mund të mendojmë që të udhëtojmë tri vite larg qytetit tonë për të luajtur ndeshjet.
Ta ndajmë me Interin stadium? Pse jo?! Kostot ndahen dhe me teknologjinë e re mund të ndryshojmë edhe ngjyrat e impiantit lehtësisht. Ndërsa, në ditët e sotme, shpenzojmë 4 milion euro në vit për ndryshimin e ngjyrave. Nuk shoh probleme në këtë sens”, ka deklaruar presidenti i Milanit.