Ikardi u rikthye fuqishëm mbrëmjen e djeshme kundër Xhenoas. Pas 53 ditësh pa një ndeshje zyrtare, argjentinasi luajti titullar dhe gjeti rrugën e rrjetës me penallti.
Edhe pse një 11-metërsh, ka rikthyer moralin dhe buzëqeshjen tek Ikardi, i cili e fitoi vet penalltinë dhe nxori me të kuq kundërshtarin e tij.
Ky ishte goli i 123-të për lojtarin me fanellën zikaltër. Bomberi ka arritur të barazoi Bobo Vierin në listën e golashënuesve më të mirë të Interit.
Ndërsa në listën e golashënuesve më të mirë të të gjitha kohërave, Ikardi mban vendin e 8-të.
Gjatë kësaj mbrëmje, Maurito dha dhe një asist për Perisiç duke e bërë një mbrëmje perfekte për veten dhe për skuadrën.
