Lajme të mira merr më në fund Xhenaro Gatuzo për ndeshjen e së shtunës kundër Juventusit. Pasi mori vesh që Donaruma dhe Paketa do të mungojnë për afro një muaj për shkak dëmtimesh, trajneri sot është mbushur me optimizëm.
Kesi duket se është rikuperuar shumë shpejt dëmtimin që kishte në gjurin e majtë dhe mund të jetë nën urdhërat e Alegrit për ndeshjen me Juventusin.
Nga ana tjetër Suso ka nisur të stërvitet me grupin sot dhe flitet që mund të nisë ndeshjen si titullar. Sipas mediave italiane Suso do të jetë zëvendësuesi ideal i Paketës si trekuartist, pasi Gatuzos i janë “lidhur” duart në fazën më të zjarrtë të kampionatit.
