Masimiliano Alegri nuk do të jetë më trajner i Juventusit. Pas 3 raundesh bisedimesh, palët vendosën të ndërprisnin marrëveshjen e bashkëpunimit. Ndërkohë sipas “Corriere dello Sport”, tekniku italian e kishte kuptuar që po ia punon pas krahëve. Alegri kishte humbur besimin e Kristiano Ronaldos dhe dyshesh Paratiçi-Nedved të cilët votuan hapur për “divorcin”.
Pritet që ditët e ardhshme, trajneri dhe drejtuesit e klubit të arrijnë një marrëveshje ekonomike për divorcin. Juventusi do të përpiqet të rrëmbejë trajnerin e Francës, Didier Deshamp, ndërkohë që alternativa të tjera janë dhe Mihajloviç-Poçetino.
Guardiola është i paarritshëm, ndërsa Interi është përpara për Antonio Konten. Priten me mjaft interes zhvillimet në ditët e ardhshme për sa i përket trajnerit të ri të Juventusit.
