Fabio Capello ka analizuar situatën e Juventusit dhe si e shikon Maurizio Sarrin në pankinën e kampionëve të Italisë, por më shumë sipas tij trajneri përshtatet tek Roma.
“Çdo klub ka ADN-në e vet. Mund të ndryshosh bazën e lojtarëve që ke. Por, sipas meje disa lojtarë e humbasin këtë ADN.
Unë shoh se lojtarët e Romas janë më të përshtatshëm për Sarrin.
Sepse ekipi roman i ka lojtarët anësorë të duhur, kanë shpejtësi dhe aftësitë që Sarri kërkon.
Mentaliteti i Juves ka qenë gjithmonë për të fituar, është ADN-ja e tyre.
Sarri tek Chelsea nuk arriti të bënte ekipin të luante sikur donte ai, tha se duheshin tre vite.
Për Juventusin është e vështirë të ia japë këtë kohë.
Dybala duhet të mësojë të bëjë presing përpara. Sarri arriti ta bënte këtë gjë me Insignen.
Nuk ka dyshim që ai është një trajner i zoti”, analizoi ish-trajneri punën e Sarrit dhe shanset e tij si trajner i Juventusit.
