Askush nuk e kishte menduar që ajo ndeshje e marsit të vitit 1947, mes Partizanit dhe Tiranës e fituar me rezultatin 4-2 nga të kuqtë, do të shndërrohej në takimin e zemrës për shumë shqiptarë.
Një sfidën kur ngjyrat bardheblu dhe ajo e kuqe, do të merrnin më shumë kuptim, në një histori tipike dashurie shqiptare, e ndërthurur me një ndjenjë të shëndetshme rivaliteti, ku në fund fitonte gjithmonë spektakli.
Bëhet fjalë për derbin e zjarrtë të kryeqytetit! Partizani dhe Tirana do të zbresin në fushën e lojës të dielën e 12 majit për të çuar edhe njëherë peshë zemrat e mijëra tifozëve.
FSHF ka vendosur që kjo përballje të luhet në orën 17:00 në “Selman Stërmasi” ku të kuqtë do të jenë pritës. Kujtojmë që paralelisht me derbin do të zhvillohen edhe 3 sfidat e tjera të javës së 33-të të Kategorisë Superiore.