Manchester Unitedi raportohet se ka nisur bisedimet me familjarët e sulmuesit të Juventusit, Paulo Dybalas.
Ky lajm vjen vetëm një javë pasi vëllai dhe njëkohësisht menaxheri i Dybalas, Gustavo, tha se 25-vjeçari gjatë merkatos së verës mund të largohet nga Juventusi .
Sipas gazetës së madhe italiane, “Tuttosport”, Manchester Unitedi është duke menduar edhe shkëmbimin e mundshëm ndërmjet Pogbasë dhe Dybalas.
Vetë e ardhmja e Pogbës është vënë në qendër të vëmendjes pasi Manchester United ka dështuar të kualifikohet sezonin e ardhshëm në Champions League.
Për Dybalan gjithashtu është spekuluar se mund të transferohet edhe në Atletico Madrid, ku mund ta zëvendësojë Antoine Griezmannin.
