Trajneri i Manchester City, Pep Guardiola, në konferencën për mediat të dhënë para sfidës së Premierligës, e parafundit për këtë sezon e programuar kundër Leicester, ka folur edhe për të dëmtuarin, Kevine De Bruyne.
Ai ka thënë se mesfushori belg, që më shumë këtë sezon ka qëndruar në infermieri sesa në fushë, mund të mos e vesh fanellën më këtë edicion, me shpresën që sezonin 2019/20 të jetë më shpesh në fushë.
“Si është De Bruyne? Sinqerisht nuk e di nëse do t’ia dalë të rikthehet në fushë këtë sezon”, u përgjigj Guardiola.
