Ishte në ajër prej disa kohësh, por tashmë është zyrtare. Mërgim Vojvoda është futbollisti më i ri i Standard Liege.
Mbrojtësi i kombëtares së Kosovës ka kryer transferimin e tij te një nga skuadrat më me histori në Belgjikë. 24 vjeçari ka nënshkruar me Liege për 4 sezonesh e ardhshme, teksa kartoni i tij mësohet se i ka kushtuar rreth 1 milion euro.
Një rikthim ky për Vojvoda, i cili ishte pjesë e të rinjve të Liege nga 2011 deri në vitin 2014. Kosovari ishte pjesë e Mouscron prej vitit 2016, ndërsa në CV e tij janë shënuar edhe skuadra si Sint-Truiden dhe Carl Zeiss Iena.