Një gol i Stiven Monroz i ka mjaftuar Gabala për të mposhtur SumQayit dhe për të fituar trofeun e Kupës së Azerbajxhanit.
Skuadra ku aktivizohet edhe mesfushori i kombëtares shqiptare, Sabjen Lilaj ia arriti që të ruaj avantazhin e krijuar që në minutën e 3-të, duke u kurorëzuar me trofeun prestigjoz. Kontributi i Lilaj ishte zero në këtë takim, pasi e ndoqi të gjithin nga tribuna, ku ishte i pezulluar.
Ky është trofeu i parë në Azerbajxhan me Gabalan për Lilajn, i 12-ti në total për mesfushorin. Korçari numëron 6 tituj kampion në Shqipëri, 5 me Skënderbeun dhe 1 me Tiranën, si dhe 2 Kupa dhe 3 Superkupa.
Kujtojmë që te Gabala aktivizohet edhe ish-sulmuesi i Skënderbeut, James Adeniyi, i cili ka qënë deciziv në këtë sezon të skuadrës.
