Empoli hodhi një hap të rëndësishëm për të qëndruar në elitën e futbollit italian.
Skuadra ku aktivizohet edhe mbrojtësi i kombëtares shqiptare, Federik Veseli mposhti me rezultatin e thellë 4-1 Torinon. Një tre pikësh që fitohet me mund nga skuadra Emiliane, por hijet e dyshimit për fiksim rezultati nuk mungojnë. Episode të dyshimta shihen në momentin e golit të parë dhe të dytë.
Acquah realizoi golin e avantazhin në minutën e 27-të, por mënyra e mbrojtjes nga ana e “demave torinez” është me të vërtetë e çuditshme. Topi i Pajac përshkruan gjithë pasqyrën e tyre dhe lëvizja e njërit prej tyre është në kohë vonesë. Sikur të mos mjaftonte kjo edhe reagimi i Sirigu nuk ndodh në momentin e duhur.
Ndërkohë te goli i dytë, një driblim i futbollistit të Empolit krijoi panik te mbrojtja e Torinos. Një lëvizje e thjeshtë e tij “shtriu” në tokë tre futbollistë, ndërsa një tjetër shërbeu për Brighi, i cili nuk kishte asnjë minutë në fushë dhe realizoi.
Aktualisht këto episode mbetet në gradën e hamendësimeve, por UEFA mund të nis hetime të hollësishme.
