Ish-mbrojtësi i Partizanit, Amir Rrahmani ka gjetur rrugën e rrjetës në sfidën e mbrëmjes së sotme mes Dinamos së Zagrebit dhe Lokomotivës së Zagrebit.
Në minutën e 58-të, shtatlarti, i cili është pjesë edhe e përfaqësueses së Kosovës, kaloi në avantazh kampionët e Kroacisë me një kryevepër nga jashtë zonës, duke shënuar golin numër 2000 për skuadrën legjendare, në elitën e futbollit kroat, që nga krijimi i klubit.
Për sa i përket mesfushorit të Kombëtares, Myrto Uzuni, ai e nisi nga stoli përballjen e sotme, duke u hedhur në fushën e lojës në minutën e 63-të, teksa zuri vendin e Loren.
Pas disfatës së sotme ndaj Dinamos, Europa është kthyer në një mision të pamundur për skuadrën e Lokomotivës, e cila renditet në vendin e 6-të me 48 pikë, 5 më pak se vendin i 4-t që mbahet nga Hajduku i Splitit.