Tomas Strakosha është kthyer në një pikë të fortë të Lacios në rrugën e kryeqytetasve drejt Ligës së Kampionëve. Lacio po lufton fort për të arritur në vendin e katërt në fund të sezonit dhe gardiani i kombëtares sonë është aktivizuar deri më tani 34 herë si titullar dhe ka arritur të jetë edhe vendimtar në ndeshje të caktuara.
Megjithatë, Inzagi është shfaqur i shqetësuar përpara ndeshjes përcaktuese me Atalantës që do të luhet ditën e dielë në 15:00 në kryeqytet. Strakosha vuan nga një problem në shpinë dhe stafi mjekësor po lufton që ai të jetë gati për takimin e nesërm. Aktualisht Lacio gjendet jashtë Europës, por një fitore ndaj Atalantës do t’i fuste fuqishëm në garë.