Barcelona dhe Liverpuli luajnë mbrëmjen e sotme gjysmëfinalen tjetër në Champions League, në një përballje titanësh.
Në “Camp Nou” zhvillohet akti i parë, me Valverden që ka zgjedhur nga minuta e parë Mesin, Kutinjon dhe Suarezin, ndërkohë që nga ana tjetër Klop përgjigjet me Mane, Salah dhe Uajnaldun, ndërsa për fat të keq nuk ia ka dalë Firminjo.
Tekniku i Barcelonës është shprehur para ndeshjes se shkon për fitore, por nga ana tjetër kërkon që të mos pësojë në këtë sfidë të parë. Ndërkohë, Klopp do të firmoste edhe për një barazim në Barcelonë.