Janë duke u luajtur dy gjysmëfinalet e dyta të Ligës së Europës. Nëse ka një mjeshtër të këtij turneu ai është Unai Emeri, trajneri aktual i Arsenalit, i cili këtë trofe ka ditur ta fitojë 3 herë dhe për më shumë në 3 vite radhazi (2014-2016), nën drejtimin e skuadrës së Sevijes.
Spanjolli do të kërkojë trofeun e 4-t personal, teksa mbrëmjen e sotme do të këtë përballë Valencian, një kundërshtar që e njeh mjaft mirë.
“Topçinjtë” triumfuan në sfidën e parë në shtëpi me rezultatin 3-1, ndërsa mbrëmjen e sotme do të tentojnë të ruajnë avantazhin e 2 golave.
Përballje tepër interesante dhe ajo mes Çelsit dhe Ajntraktit të Frankfurtit, që është padyshim surpriza më e madhe e këtij kompeticioni. Përballja e parë në Gjermani përfundoi me rezultatin 1-1, teksa kualifikimi është ende i hapur. Ekipit kanë bërë publike edhe formacionet zyrtare, ku nuk mungojnë surprizat. Ajo që bie në sy është lënia në stol e Gonzalo Higuainit.
