Dejvi Bregu është kthyer me një ndeshje të madhe sot ndaj Kamzës, ku shënoi një gol të mrekullueshëm. Ai e meritoi vlerësimin si “Njeriu i ndeshjes”. Për “Superport”, sulmuesi i Skënderbeut ka shuar të gjitha thashethemet se marrëdhënie e tij me teknikun Shehi është ftohur. Ai i bën apel Luftëtarit të mposhtë Partizanin, për t’i ardhur në ndihmë kampionëve në fuqi.
“Më ka munguar goli. Kam qenë i mërzitur se nuk kam luajtur mirë. Ua dedikoj prindërve që i kam mërzitur. Çfarë është folur s’është e vërtetë. Kemi qeshur kur doli lajmi. Bile qesha se pse në Gjirokastër s’i Shehit dhashë dorën e majtë, jo të djathtën.
Kam bërë ndeshje të dobëta. Zëvendësimi ka qenë i drejtë.
Normal që do ta ndjek Partizanin me Luftëtarin. Te Luftëtari kam shokët e mi. U uroj fitore se më kanë bërë nder. Ishala tre pikë, jo një pikë”, u shpreh Bregu.
