Flamurtari dhe Partizani do të ndeshen në orën 15:00 në Vlorë për javën e 32-të të Superiores. Një sfidë delikate për të dyja skuadrat. Miqtë kërkojnë të fitojnë dhe të vendosin një dorë në titull, por edhe të largojnë presionin që mund të sjell një rezultat negativ.
Ndërkohë që vendasit janë të vendosur për të shkuar në Europë. Ky takim do të ketë si kryesor ndërkombëtarin Enea Jorgji. Trajnerët kanë bërë publike formacionet zyrtare. Ajo që bie në sy është se Kalari do ta nisë në qëndër të mbrojtësjes së bashku me Rexhepin. Nga minuta e parë për Partizanin do të jetë edhe Jaiteh, ndërkohë që mungon Bardhi. Vlonjatët nga ana tjetër kanë pak lëvizje në 11-shen titullare.
LIVE | Flamurtari-Partizani 0-2
GOL: / Asani 27′, Mensah 52′
KOMENTI LIVE
56’ Tjetër karton i verdhë për vlonjatët. Musta ndërhyn nga prapa në këmbët e Trashit, dhe kryesori Jorgji e ndëshkon me karton.
54’ Duka lëviz bukur brenda zonës së Flamurtarit, ku ia kalon topin poshtë këmbëve të një prej vlonjatëve, por më pas spastrohet zona.
52’ GOOOOOL PARTIZANI 0-2/ Dyfishojnë shifrat të kuqtë me Mensah, që nga brenda zone, lëshon një të djathtë të fuqishme, me Koliçin që nuk e ndal dot.
46’ Nis pjesa e dytë. Mbetet në dhomat e zhveshjeve Xhaiteh, që debuton vetëm për 45 minuta. Në vendin e tij, Kristi Kote.
