Po luhet në “Selman Stërmasi” supersfida mes Tiranës dhe Skënderbeut e vlefshme për javën e 32-të të Kategorisë Superiore. Korçarët e Orges Shehit vijnë në këtë përballje pas triumfit në shtëpi ndaj Flamurtarit, ndërkohë që Tirana barazoi në transfertë ndaj Luftëtarit.
Përballje delikate për skuadrën e Memës, që në 31 javë ka arritur të sigurojë 37 pikë, 3 më shumë se Kastrioti i vendit të parafundit. Një rezultat negativ ndaj kampionëve në fuqi, do ta ndërlikonte jashtë mase çështjen e mbijetesës.
Ndërkohë nga ana tjetër Skënderbeu synon një vend që të çon në kupën e Europës, teksa aktualisht pozicionohet në vendin e 5-të me 46 pikë.
Të dy trajnerët kanë bërë publike formacionet zyrtare, teksa nuk mungojnë surprizat, ku bie në sy aktivizimi i Muzakës si titullar.
TIRANA-SKËNDERBEU 0-0
KOMENTI LIVE:
61′ Mema kryen edhe zëvendësimin e tretë, largohet nga fusha, Grent Halili, vendin e tij e zë Bedri Greca.
60′ Kobinah ndëshkohet me karton të verdhë për ndëhyrje të gabuar ndaj Gripshit.
59′ Edon Hasani provon të rrezikojë me një gjuajtje në formë krosi, por kontrollon gjithçka portieri Dajsinani.
58′ Kaba Sambou ndëshkohet me karton të verdhë për ndërhyrje të gabuar në limitet e zonës ndaj futbollistit Edon Hasani.
56′ Zëvendësim te Skënderbeu, largohet Oto Xhon, vendin e tij e zë Nazmi Gripshi.
53′ Tjetër mundësi shënimi për Tiranën. Pas një harkimi nga këndi, Eni Imami godet me kokë, por gjuajtja e futbollistit bardheblu shkon jashtë kuadratit.
51′ Ngo ndëshkohet me karton të verdhë për ndërhyrje të gabuar ndaj Kaba Sambou.
49′ Pranë golit Tirana. Hoxhallari lëshon një predhë me të majtën nga distanca, topi shkon ngjitur me shtyllën e portës së mbrojtur nga Dajsinani.
46′ Starton pjesa e dytë. Mema kryen 2 zëvendësime, largohet Goxha dhe Sentamu vendin e tyre e zënë Imami dhe Ngo.