Po luhet në “Selman Stërmasi” supersfida mes Tiranës dhe Skënderbeut e vlefshme për javën e 32-të të Kategorisë Superiore. Korçarët e Orges Shehit vijnë në këtë përballje pas triumfit në shtëpi ndaj Flamurtarit, ndërkohë që Tirana barazoi në transfertë ndaj Luftëtarit.
Përballje delikate për skuadrën e Memës, që në 31 javë ka arritur të sigurojë 37 pikë, 3 më shumë se Kastrioti i vendit të parafundit. Një rezultat negativ ndaj kampionëve në fuqi, do ta ndërlikonte jashtë mase çështjen e mbijetesës.
Ndërkohë nga ana tjetër Skënderbeu synon një vend që të çon në kupën e Europës, teksa aktualisht pozicionohet në vendin e 5-të me 46 pikë.
Të dy trajnerët kanë bërë publike formacionet zyrtare, teksa nuk mungojnë surprizat, ku bie në sy aktivizimi i Muzakës si titullar.
TIRANA-SKËNDERBEU 0-0
KOMENTI LIVE:
Mbyllet pjesa e parë.
45+2′ Goditje dënimi për Tiranën, provon Kobina, po gjuajtja e mesfushorit bardheblu përfundon në duart e portierit Dajsinani.
45′ Akordohen 2 minuta shtesë.
43′ Mundësi e mirë për Tiranën, por Kobina gabon në pasin final, teksa Sambou tregohet i vëmendshëm duke thyer aksionin bardheblu.
37′ Pranë golit skuadra korçare. Dejvi Bregu depërton bukur nga e majta, harkon një top në zonë për Krasniqin brenda zonës, i cili nuk arrin të përfitojë duke shpërdoruar një rast të artë.
33′ Vendimtat Turtulli me ndërhyrjen e tij. Tjetër rrezik në portën e Tiranës. Pas një asist të Muzakës, Oto Xhon niset drejt portës, por ndërhyn mjaft mirë mbrojtësi bardheblu, duke larguar rrezikun në këndore.
31′ Abibi mbyll me shpejtësi një pasim për Krasniqin, i cili për pak sa nuk përfiton.
23′ Krasniqi rrëzohet në zonë, pas një dueli brenda zonës me Hoxhallarin, por gjyqtari Alla vazhdon lojën.
22′ Aksion i bukue i Tiranës nga krahu i djathtë. Krosim në zonë, por Vangjeli ndërhyn saktë, para se Oduamadi të gjuajë me kokë.
17′ Pranë golit Tirana me Goxhën që godet bukur me kokë brenda zonës, por gjyqtari anësor sinjalizon pozicion jashtë loje.
15′ Muzaka kroson bukur nga e djathta, pas pasimit të Bregut, ndërhyn saktë mbrojtja bardheblu, duke larguar rrezikun.
10′ Tirana provon të kundërpërgjigjet me Sentamun, por ky i fundit nuk merret vesh me Halilin, duke shpërdoruar një mundësi të mirë.
8′ Pranë golit Skënderbeut. Alesio Abibi shpëton portën nga një gol i sigurtë, duke neutralizuar gjuajtjen e Bregut në hyrje të zonës.
5′ Tirana shfaqet më kërkuese në këto minuta të para, por korçarët nuk lënë hapësira në prapavijë.
1′ Ka nisur sfida.
