Të mërkurën në mbrëmje Barcelona do të presë në “Camp Nou” skuadrën e Liverpoolit në ndeshjen e parë gjysmëfinale të Champions Leagues.
Në një intervistë për “RTSport”, Mourinho ka bërë parashikimin për këtë super ndeshje, madje portugezi nuk kurseu elozhet për Lionel Messin.
“Do të thosha një Barçë pa Messin e bën Liverpoolin favorit, por jo me Messin në skuadër sepse Messi është Messi”, tha fillimisht Mourinho.
“Fuqia e Liverpool, Van Dijk, është fenomenal. Në anën tjetër, Firmino, Mane, Salah, ata shënojnë, shënojnë dhe vazhdojnë të shënojnë”, vijoi ai.
“Më thoni një ndeshje kur Salah, Firmino dhe Mane nuk kanë shënuar. Është shumë e vështirë. Realiteti është se Liverpool sezonin e kaluar ka luajtur në finale dhe këtë sezon kanë arritur në gjysmëfinale, për mendimin tim, kanë 50 për qind të mundësve për të luajtur në finale.
“Mendoj se nëse Barcelona në ndeshjen e dytë në Liverpool, luan njësoj si në ndeshjen e parë në ‘Old Trafford’, do të jenë në vështirësi të mëdha”, përfundoi Mourinho.
