Nëpërmjet një deklarate në emisionin “24 sekonda” në “RTSH”, trajneri Viron Toska, i cili drejton ekipin e Flamurtarit në basketboll për femra ka ngritur një akuzë të rëndë ndaj 2 sportisteve të Tiranës, të cilat sipas Toskës kanë kërkuar hashash në Vlorë.
“Nuk e di nëse hashashi quhet doping, por ka dy lojtare të Tiranës që pinë hashash dhe e them me garanci. Dy amerikanet kur kanë ardhur në Vlorë, kanë kërkuar hashash te njerëz të ndryshëm dhe për këtë e vë dorën në zjarr. Nuk e di është apo jo doping hashashi, por me garanci ua them për amerikanet”, u shpreh Toska.
